သတိရပါလေစ ...

       “ သတိရပါလေစ ...  ”
   သူလာနိုး မျှော်ကိုးကာရည် ၊
   တမ်းတကာမှန်းဆ လွမ်းလှပါသည်
   မှန်းဆရော်ရမ်း သူလာလမ်းကို
   ကမ်းလင့်စောင့်မျှော်  ကိုယ့်အပေါ်ကို
   သက်ဝေနှမ သတိရပါလေစ ...
   ကိုယ်မှာဖြင့်လေ စိတ်တွင်စွဲလမ်း
   ကိုယ့်အသည်းပန်းကို
   စိုးရိမ်စိတ်စေ လွမ်းငွေ့ရည်ဖြင့်
   မေတ္တာသွန်းလောင်း ကျမ္မာစေကြောင်း
   တောင်းဆုကိုပြု ကောင်းမှုဖြင့်စေ တည်နေလေ၏  ...
   သတိရတိုင်း ဖုန်းဆက်
   မှာရက်ကဲ့ နှမငယ်
   သူမရှိတဲ့ အခိုက်
   ရင်၌ဗျာပွေ စိုးရိမ်သောက
   ပူသမျှကို လွမ်းတေးမဆုံး
   ကြိမ်မီးအုံးသို့ ဆုံးဆုံးကြမ္မာ
   ကိုယ်ဘက်မှာကား သူလာလမ်း
   မျှော်ကာမှန်း၍ တမ်းတမ်းတတ
   လွမ်းသမျှကို ရင်၌စာစီ
   တွေးပန်းချီဖြင့် လွမ်းသဖြင့်သာ
   ပန်းပွင့်ပါလျှင် အပင်တိုင်းမှာ
   ပန်းတွေချည်းတဲ့ ... ”
   
   ဇော်လေး ( ၁၁ . ၄ . ၂၀၁၀ )